ELKARRIZKETA

Auxkin Perez de San Roman, pilotari profesional ohia, afizionatu mailean Espainiako txapelduna eta hainbat aldiz Nafarroako hainbat txapelketen irabazlea maila profesionalean. Donosti, 2017-11-19.

Gure proiektua indartzearren, pilotari profesionala izan zen Auxkin Perez de San Roman-rekin elkarrizketa bat izan dugu, pilotari bezala izan duen esperientzia ezagutzeko eta proiektu honi buruzko bere iritzia zein den ezagutzeko.

1.- Noiz hasi zinen pilotara jokatzen? Zein izan da zure esperientzia euskal pilotan? 

Bueno kaixo guztioi, ni Auxkin naiz, pilotari erretiratua. Esku pilotan 6 urterekin hasi nintzen jolasten, denok bezala, eskolan lagunekin. Oiartzungoa naizenez han hasi nintzen jolasten, baino urte batzuk geroago Lizarrara joan nintzenez han hasi nintzen gehiago destakatzen. Hango irakasleak nigan zerbait ikusi zuten eta “Club Deportivo San Miguel”-era pasa zidaten alebin, benjamín eta juvenil kategoriak jolasteko. Urte horietan zenbait konpetizio eta “interpueblos” irabazi egin genituen. Azkenean, 1999-an Aspe enpresarekin pilotari profesional moduan debutatu nuen, eta 2008 arte izan nintzen profesionala, 33 urte nituela jada ezin nuelako lana eta pilota tartekatu.

2.- Zein posiziotan jokatzen duzu?

Bizitza osoan atzelaria izan naiz, txiki-txikitatik, hango posizioan jarri egin zidatelako eta han gustora sentitzen nintzelako.

3.- Txapelketaren bat irabazi al duzu? Zein?

 Bueno ba Nafarroako txapelketa askotan irabazi nuen maila profesionalean. Gero afizionatu mailan Espainiako txapelduna ere geratu nintzen.

4.- Esku-pilotaz gain, espezialitateren bat praktikatu duzu? Zein?

Hamalau urte izan arte eskupilota eta futbola tartekatu egiten nuen, baina handik aurrera bakarrik esku-pilotari gogor ematen hasi nintzen. Euskal pilotako beste modalitate batzuk noski probatu egin ditudala, ba ez dakit… pala luzea, frontenisa, pala motza… Ah bueno, eta behin ere zesta-puntan eta erremontean ibili nintzen.

5.- Ospea lortu duen pilotariren batekin jokatu al duzu?

Bai. Adibidez, lehenengo mailan, nire debut egunean Goñi II-arekin debutatu nuen. Ondoren Aimar Olaizolak 18 urte zituela profesionaletan jokatu zuen lehenengo aldia nirekin izan zen. Hauek bi espezialak izan ziren, nire debut eguna izan zelako eta Aimarren debut eguna nirekin izan zelako, baino baita ere Titin.. ezagunak diren askorekin. Gero ni pixkat paketiloago nintzen, baino jolastu, gehienekin jolastu nuen.

6.- Zer iruditzen zaizu GEPA ekitaldia?

Aste bat bakarrik zela irakurri nuenean gutxi zela iruditu zitzaidan, baina gero hainbeste jarduera egingo direla ikustean, bai goizez, arratsaldez… hobeto iruditu zitzaidan! Gainera atzo esan zidaten proiektu hau ez dela bakarrik urte honetan egingo eta hurrengo urteetan ere egingo dela ez? Hori zoragarria da! Oso ondo iruditzen zait gaur egun hainbeste aukera egonda beste kirol asko egiteko gure kirola sustatzea asko gustatzen zaidalako. Gaur egungo ume gehienek ez dute aukera euskal pilota probatzeko, beraz aukera paregabea iruditzen zait Gasteizko umeak mundu honetan sartzeko.

7.- Zergatik uste duzu jendea animatu behar dela?

Uste dut gendea animatu egin behar dala gure kirola delako, euskal kirola, eta gainera oso kirol konpletua, dibertigarria, polita eta errexa iruditzen zaidalako… Gainera hemen hainbeste frontoi egonda… aprobetxatu behar dira!

8.- Uste duzu garrantzitsua dela pilota sustatzeko horrelako ekitaldiak

prestatzea?

Bai, batez ere ba herri txikitan frontoiak daudelako eta umeak hara joaten dira jolastera, bainon hiritan adibidez ere frontoiak egonda ume pila seguruenik frontoia ez dutela ezta probatu ere egin, eta hori tamalgarria iruditzen zait.

9.- Laguntza eskainiko zenuke proiektu honetan?  

Jakina! Gero merendola egonda nola ez!? Jajaja ez, ez, broma da. Lehen jokatzen nintzenean normala zen zenbait ikastoletara edo zenbait konpetizioetara joatea sariak banatzeko momentuan. Oso pozik joango nintzateke horrelako proiektu batean laguntzera!